Өңірлік коммуникациялар қызметі мәлім еткендей, мектеп үш қабаттан және үш блоктан тұрады. 1-қабатта бастауыш сыныптарға арналған оқу кабинеттері мен асхана бар. 2-қабатта жоғары сынып оқушыларына арналған арнайы пән кабинеттері мен спорт залы, 3-қабатта 160 орындық аудитория мен кітапхана орналасқан.
Мектеп қазіргі заманғы барлық оқу жабдығымен жабдықталады. Оқушылар үшін футбол алаңы, баскетбол және волейбол алаңы, 250 метрлік жүгіру жолы, теннис корты, гимнастика сабақтарына арналған аймақ, сондай-ақ бастауыш сынып оқушыларына арналған түрлі спорт түрлері мен сабақтарға арналған спорт алаңдары салынады. Барлық зал арнайы спорт жабдықтарымен қамтамасыз етіледі.
Мердігер мекеме — «АВС-Лимитед» ЖШС. Құрылыс жұмыстары биыл желтоқсанда аяқталады деп күтіліп отыр.