Бишімбаевтың адвокаты Ерлан Ғазымжанов сот үкіміммен келіспейтінін айтып, «Аса қатігездікпен адам өлтіру» бабын ауыстыруды ұсынды. Оның айтуынша, 99-бап бойынша тағылған айыпты мүлдем алып тастап, істі жаңа құраммен қайта қарау керек.
Айыпталушы тараптың адвокаттары алқа билерді іріктеу рәсіміне көңілі толмайтынын және жалпы сот кезінде 20 шақты заңбұзушылыққа жол берілгенін атап өтті.
Ал 4 жылға бас бостандығынан айырылған Бақытжан Байжанов оның іс-әрекетінде қылмыс құрамының болмауына байланысты өзін ақтауды өтінді.