Алматы қаласында «Қысқы ертегі» атты Қазақстан және Қырғызстан спорт клубтарының көркем гимнастикадан ашық турнирі өтті. Оған Атыраудан 15 оқушы қатысып, жүлделі орындарға ие болды.
Аталған турнирге еліміз бойынша 80 оқушы қатысып, бақ сынады.
-Бұл жарыс Көркем гимнастика федерациясының Алматы қаласындағы филиалының ашылғанына бір жыл толуына орай ұйымдастырылды. Сайыс 2010 жыл мен 2020 жылғы туған қыздар арасында өтті. Жалпы мұндай турнирлер Атырауда сәуір және қараша айларында жылына екі рет болып тұрады. Алдағы уақытта сәуір айында тағы да жарыс ұйымдастырмақпыз,- деді 1 санатты төреші, Көркем гимнастика федерациясының Атырау облысы бойынша жаттықтырушысы Алуа Мұхтарова.
Жарыс қорытындысымен атыраулық оқушылардың алтауы 1 орын, алтауы 2 орын, үшеуі 3 орынға ие болды.
Нақтырақ айтсақ, Марзия Руслан 2016 ж.т., Амина Айбекқызы 2015 ж.т., Алана Ибрагимова 2020 ж.т., Айдана Сарсенбай 2015 ж.т., Амина Асылбек 2013 ж.т., Пиа Дәмелі Лопез Тлеубай 2014 ж.т. 1 орынға ие болса, Медина Алибекқызы 2015 ж.т., Раббина Сапар 2016 ж.т., Нұршат Болат 2015 ж.т., Ханшайым Данияркызы 2015 ж.т., Айшабибі Даниярқызы 2016 ж.т., Мухит Дания 2016 ж.т. 2 орынға ие болды. Ал Хадиджа Руслан 2014 ж.т. мен Диана Сагидуллина 2015 ж.т. және Дария Олжабай 2016 ж.т. 3 орынға қол жеткізді.