Жоба «Тандау» атауын алды және Жылыой ауданын дамыту бағдарламасы шеңберінде «Теңізшевройл» ЖШС қаржылық қолдауымен Орталық Азияның Еуразия қоры пилоттық режимде іске асыратын болады.
Жылыой ауданы әкімінің орынбасары Гүлнафис Айшуақова атап өткендей, жоба аудандағы шағын бизнеске екінші дем береді.
— Бүгін ауданымызда кәсіпкерлерді қолдауға арналған тағы бір жоба басталғалы отыр. Бұл жоба кәсіп бастауға ниетті және кәсібін дамытқысы келетін Жылыой ауданының тұрғындарына, кәсіпкерлеріне арналған жоба. Баршаңызды осы жобаға белсене қатысуға шақырамын! Аудан тұрғындарын қолдауға арналған «Таңдау» жобасын жүзеге асырушы Орталық Азияның Еуразия Қорына және қаржыландырып отырған «Теңізшевройл» компаниясына аудан әкімдігі атынан алғысымды білдіремін,- деді ол.
Іс-шараға 100-ге жуық адам қатысты. Ал «Тандау» жобасының координаторы Алтынгүл Атабаева бұл жоба жұмыс істеп тұрған кәсіпкерлер үшін ғана емес, қандай да бір себептермен жұмыссыз қалғандар үшін де тамаша мүмкіндік екенін жеткізді. Оның айтуынша, жылыойлықтар өз істерін ашып, өздерін және отбасыларын қамтамасыз етіп қана қоймай, қосымша жұмыс орындарын аша алады.
Жобаға тек Жылыой ауданының жеке кәсіпкерлері немесе ЖШС қатыса алады. Талап бойынша соңғы 5 жыл ішінде ауданда өз қызметін жүзеге асыратын, оң кредиттік тарихы бар және салықтық немесе басқа да берешегі жоқ тұрғындары ғана қатыса алады. Сонымен қатар, кәсіпорын алкоголь, темекі өнімдерін және ойын қызметін қолдамауы керек. Барлық іріктеу критерийлерімен жобаның сайтында танысуға болады — www.ef-ca.kz . Жалпы, конкурстық іріктеу екі кезеңде өтеді. Бірінші кезеңде конкурсқа қатысушы өзінің бизнес-жобасы туралы екі минутқа дейін толық толтырылған өтінім мен бейнені ұсынуға міндетті. Бірінші кезеңнің жеңімпаздары екінші кезеңге өтеді, онда сараптама комитеті оқытудан өтіп, алдын ала бағалау үшін бизнес-жоспарлар дайындайды. Екінші кезеңнің қорытындысы бойынша 30 үміткер сараптама комитетінің алдында өздерінің бизнес-жоспарларын таныстыра алады, олар тек 10 үздік қаржылық-тұрақты жобаны таңдайды. Мұндай іріктеу жылына 3, яғни жылына 30 жоба жоспарланған.
Конкурстық іріктеу жеңімпаздарына жабдықты сатып алуға пайызсыз қарыздар берілетін болады. Жабдықтың өзі ақшаны қайтарудың кепілі болады, яғни шығындар өтелмеген жағдайда сатып алынған техника алынады. Ақшаны қайтару 6 айлық несиелік демалыстан кейін басталуы керек.
Жабдықты сатып алуға арналған қарыздар мынадай мөлшерде бекітілді, яғни стартап (жас) жобалар үшін 2,5 млн теңгеге дейін. Мұнда өз қызметін бір жылдан кем жүзеге асыратын кәсіпкерлер қатысады. Сондай-ақ, жұмыс істеп тұрған кәсіпкерлер үшін 4,5 млн теңгеге дейін.
-Бүгін біз өзімізді мазалаған сұрақтарға жауап алдық. Біздің ауданды дамыту қажет. Мен жеке өзім ауданда өте танымал емес бизнес салаларын дамытуды бастау үшін келдім. «Тандау» жобасына қатысамын және табысқа жетемін деп үміттенемін. Атап айтқанда, өз ісімді ашып, ауыл тұрғындарын жұмыспен қамтамасыз етемін. ТШО біздің жергілікті тұрғындар үшін жақсы мүмкіндік беруде,- деді аудан тұрғыны Гүлфайруз Бекболатова.
Айта кетейік, ТШО өзінің екі негізгі бағдарламасын іске асыру арқылы өңірдің әлеуметтік-экономикалық дамуына қолдау көрсетуді жалғастыруда. Бұл «Игілік» және әлеуметтік инвестициялар бағдарламасы.
Еске сала кетейік, биыл ТШО компаниясы Жылыой ауданына 6 жедел жәрдем вагонын, 4 бірлік арнайы техника, инватакси, спорт және би сабақтарына арналған 10 арнайы арба, «Кен Жылыой» мәдениет үйіне музыкалық жабдықтарды сыйға тартқан болатын.