Астана – Шымкент рейсінің жолаушылары рейстің тоқтауына байланысты Астана әуежайында жанжал шығарды, — деп хабарлайды Tengrinews.kz тілшісі.
Әлеуметтік желілерде Астана әуежайынан Шымкентке ұшпай қалған Fly Arystan жолаушыларының видеосы пайда болды.
Кейбір жолаушылар әуе компания өкілдерін ұрып, оларға заттар лақтырған. Адамдар айғайлап, ұшаққа отырғызуды талап еткен. Жолаушылардың бірінің айтуынша, Астана – Шымкент рейсі 25 ақпанда сағат 05:40-та ұшуға тиіс болған.
«Ауа райына байланысты деп қайта-қайта уақытын жылжыта беріп, ең соңында 10 сағат күтіп шаршаған жолаушыларға «рейс болмайды» деп смс жіберді , содан ашулы халық наразылығын көрсетіп жатыр. Флайарыстаннан жауап беретін бір жауапты адам келмеді. Бірінші рет емес, осы авиакомпания жиі осындай жағдайда қалдырады. мәселе ауа райында да емес қой сондағысы», — деп жазды жолаушы.