2023 жылдың 16 ақпан күні Атырау облыстық төтенше жағдайлар департаментіне Индер ауданы Индербор кентінен қыстақтардың біріне бағыт алып, шамамен 30 шақырым қашықтықта «Mitsubishi Pajero» маркалы автокөліктің қар құрсауына батып шыға алмай қалғаны туралы шақыру түскен.
Атырау облысы ТЖД Индер ауданы ТЖБ және ӨСБ қызметкерлері дереу авариялық-құтқару жұмыстарына кіріседі. Төтеншеліктер жолаушыларға жол талғамайтын техникамен көмекке келіп, құтқарылған 4 адамды Индербор кентіне аман – есен жеткізеді. Құтқарылған жолаушылар медициналық көмекті қажет етпеді, жағдайлары қалыпты.