ҚР Ішкі істер министрі полиция генерал-лейтенанты Ержан Саденов бұйырығымен Атырау облысы полиция департаменті бастығы орынбасарының міндетін атқарушы лауазымына полиция полковнигі Құттыбай Сәлімжанұлы Садықов тағайындалды.
Айта кетейік, полиция полковнигі Құттыбай Сәлімжанұлы Атырау қаласының тумасы. Еңбек жолын 2004 жылы Атырау облысы полиция департаментінің жедел уәкілі болып бастап, Индер, Махамбет ауданы ПБ бастығының бірінші орынбасары, Криминалдық полиция басқармасының бастығы, Жылыой ауданы ПБ бастығы және Атырау қалалық полиция басқармасының бастығы лауазымында қызмет атқарған.
Ал, бұған дейін Атырау облысы ПД бастығының орынбасары қызметін атқарған Руслан Дауратұлы Садиров Қазақстан Республикасы ІІМ Ұйымдасқан қылмысқа қарсы күрес департаменті бастығының орынбасары болып тағайындалды.