2024 жылғы 10 шілдеде ҚР Парламент Мәжілісінің депутаты Ізмұхамбетов Бақтықожа Салахатдинұлы Атырау облысына жұмыс сапарымен келді.
Жұмыс сапары аясында Мәжіліс депутаты Атырау облысы Төтенше жағдайлар департаментінің жеке құрамымен кездесіп, №13 мамандандырылған өрт сөндіру бөлімінің материалдық-техникалық жабдықталуын қарады.
Б. Ізмұхамбетов 2024 жылғы 6 ай ішінде облыс аумағында орын алған төтенше жағдайлар және оларды жою, ТЖ алдын алу бағытында атқарылған бірқатар жұмыстар туралы Департамент бастығы полковник Н. Жаңабаевты тыңдап, өңірдегі ахуалмен танысты.
Кездесу барысында жеке құрамның біліктілігін арттыруға және жұмыс жағдайларын жақсартуға қатысты мәселелер талқыланды.