Атырау облысы полиция департаментінің отставкадағы полиция полковниктері Мұрат Махмутұлы мен Мирлан Хайроллаұлы және полиция подполковнигі Болат Қинетұлы мен полиция майоры Каир Байрханұлы Ішкі істер органдарының құрметті ардагерлері атанды.
Олар Ішкі істер органы қызметінде 25 жыл кәсіби шеберлігі мен зор беделінің арқасында халқы мен елінің алдында өлшеусіз еңбек етіп, сүбелі зор үлесін қосып, қас қағым сәттерді мәңгілік мұраға айналдырған ардақты тұлғалар. Сондай-ақ, тәжірибелі, білікті басшы кадрлардың бірі болып, өздеріне жүктелген қызметтік міндеттерді жоғары деңгейде атқарып, ұйымдастырушылық қабілетін көрсете білді. Қызмет ету мерзімінде ардагерлер «Мінсіз қызметі үшін» медальдарының үш дәрежесімен және басқа да алғыс хаттармен марапатталған.