Ақтөбе облысы Байғанин ауданы Миялы ауылынан Атырау облысының Құлсары қаласына қарай 16 ақпан күні 4 адам жолға шығып кері оралмаған. Төтеншеліктерге хабарлама түсісімен, олар бірден іздестіру-құтқару жұмыстарын жүргізді. Нәтижесінде 1976 ж.т., 1979 ж.т. ер азаматтар, 1979 ж.т. әйел адам және 2018 ж.т. бүлдіршін қыз бала Құлсары қаласынан шамамен 120 шақырым жердегі «Намазтақыр» учаскесінен аман есен табылды.
«Жоғалған адамдар дәрігерлік көмекті қажет етпеді, жағдайлары бірқалыпты.
Автокөліктерінде жанар-жағар майы біткендіктен тұрып қалғандығы анықталды» -деп хабарлайды Атырау облыстық төтенше жағдайлар департаментінің баспасөз қызметі.
Іздестіру-құтқару жұмыстарына Атырау облысы Төтенше жағдайлар департаментінен 5 қызметкер мен 1 бірлік техника жұмылдырылды.