Өткен жылы Қазақстанда сусындар, темекі және мұнай өңдеу өнімдері, сондай-ақ негізгі асыл және түсті металдар өндірісі артқан. Бұл туралы Ұлттық статистика бюросы хабарлады.
Өнеркәсіп өндірісінің индексі 2022 жылғы қаңтар-желтоқсан айларында 101,1 % құрады.
«2022 жылғы қаңтар-желтоқсанда өнеркәсіп өнімі 48 007 млрд теңгеге өндірілді, оның ішінде тау-кен өндіру өнеркәсібі саласында – 24 644 млрд теңге (жалпы көлемнен 51,3%), өңдеу өнеркәсібінде – 20 697 млрд теңге (43,1%).
Тау-кен өндіру өнеркәсібі мен карьерлерді қазуда өнеркәсіп өндірісінің индексі 99% құрады. Бұл шикі мұнай (98,1%), табиғи газ (99%) бен темір кені (79,4%) өндірісінің азаюына байланысты болды.
Өңдеу өнеркәсібінде өндіріс 3,4% ұлғайды. Сусындар (111,2%), темекі өнімдері (107,9%), мұнай өңдеу өнімдері (101,8%), химия өнеркәсібінің өнімдері (110,2%), резеңке және пластмасса бұйымдары (102,1%), негізгі асыл және түсті металдар (105,5%), автокөлік құралдарының (119,1%) өндірісі артты.
Өндіріс көлемінің өсуі республиканың 13 өңірінде тіркелді, айтарлықтай өсім Ақмола (13,4%), Жамбыл (10,2%), Абай (9,7%) облыстарында және Алматы қаласында (9,6%) байқалды.
Төмендеу Түркістан (6,3%), Қостанай (5,5%), Атырау (2,1%), Қызылорда (1,8%) Батыс Қазақстан (1%) және Павлодар (0,5%) облыстарында байқалды.